राम बहादुर धामी तनहुँ(आँबुखैरेनी), असार १५ । आज असार १५ । नेपालमा राष्ट्रिय धान दिवस तथा रोपाइ महोत्सव मनाइदैछ । नेपालमा धानको उत्पादन वृद्धि गर्दै मुलुकको खाद्य सुरक्षामा योगदान पु¥याउन धान दिवसलाई विशेष महत्व दिन थालिएको । नेपालमा सरदर ४४–४५ लाख मेट्रिक टन धान उत्पादन हुने गरेको छ । बढ्दो जनसंख्या, घट्दो खेतीयोग्य जमीन, सिचाइको अभाव, उच्च मूल्यका कृषि वस्तुमा प्राथमिकता, जलवायु परिवर्तनलगायत चुनौती कृषि क्षेत्रले ब्यहोर्दै आएको छ ।
नेपालमा करिब १४ लाख ९७ हजार हेक्टर क्षत्रफलमा धानखेती हुँदै आएको छ । नेपालका मनाङ र मुस्ताङबाहेक अरु जिल्लामा धानखेती हुँदै आएको छ । नेपालका खाद्यान्न बालीमध्ये धान प्रमुख हो । कुल खाद्यान्न उत्पादनको ५० प्रतिशतभन्दा बढी योगदान धानको रहेको छ । संयुक्त राष्ट्र संघको एक अध्ययनअनुसार प्रत्येक व्यक्तिलाई २ सय ८५ किलोग्राम खाद्यान्न आवश्यक पर्छ ।
यसैबीच राष्ट्रिय कला संस्कृति एवं संस्कार जोगाउने उद्देश्यले क्षेत्रिय होटल संघ तनहु“ले आज रोपाई महोत्सव गर्ने भएको छ । क्षेत्रिय होटल संघ तनहु“ले पहिलो पटक दमौलीमा रोपाई महोत्सव गर्न लागेको हो । बाह्य तथा आन्तिरिक गरी करिव १० हजार दर्शकले रोपाई महोत्सवको अवलोकन गर्ने आयोजकले दावी गरेकोे छ ।गरिमामय संस्कृति १५ असार, पर्यटन समृद्धिको मुल आधार भन्ने नारका साथ सञ्चालन गर्न लागिएको महोत्सव सम्पन्न गर्नका लागि करिव ५ लाख ४० हजार रुपैया“ खर्च लाग्ने क्षेत्रिय होटल संघ तनहु“का अध्यÔ रत्नकुमार श्रेष्ठले जानकारी दिनुभएको छ । महोत्सवमा रोपाई प्रतियोगिता, हिलो दौड प्रतियोगिता, हिलोमा माछा समात्ने प्रतियोगिता, असारे गित प्रतियोगिता लगायत विविध सा“स्कृतिक कार्यक्रमहरु रहेको संघका सचिव दिनेश खनालले जानकारी दिए । पृथ्वीराजमार्ग अन्तर्गत व्यास नगरपालिका–१ अम्रेनीमा रहेको ५ रोपनी जग्गामा रोपाई महोत्सव गरिने आयोजकले जनाएको छ ।
नेपालमा समुद्री सतहबाट ६० मिटरदेखि ३ हजार मिटरसम्मको उचाइमा धानखेती हुँदै आएको छ । धानखेती हुने सबैभन्दा होचो स्थान झापाको केचनाकल गाविस ६० मिटर र अग्लो जुम्लाको छुमचौर गाविस, ३ हजार मिटर रहेको छ । नेपालमा धेरै धान उत्पादन हुने प्रमुख जिल्लामा झापा, मोरङ, सुनसरी, बारा, पर्सा, चितवन, बाँके, बर्दिया, कैलाली र दाङ हुन् । नेपालमा हालसम्म करीब ६० भन्दा बढी धानका उन्नत जात विकसित भइसकेका छन् भने स्रोत संरक्षण प्रविधिको पनि विकास भइसकेको छ । सिंचाई, बिउबिजन र माल खाद जस्ता अत्यावश्यक वस्तुको प्रबन्ध मिलाउन नसक्नु अहिले पनि धान उत्पादकत्व वृद्धिका चुनौति रहेका छन्
0 comments to "आज राष्ट्रिय धान दिवस, कृषिमा अनेकौं चुनौती, क्षेत्रिय होटल संघ तनहु“ले आज रोपाई महोत्सव गर्ने"