सुन लुटेरालाई पुर्पक्षका लागी थुना राख्ने आदेश
राजेन्द्र आचार्य
चितवन १७ असार ।सुन लुटेको अभियोगमा पक्राउ परेका ११ लुटेराहरुलाई दायर गरिएको मुद्दामा जिल्ला दालत चितवनले ति अभियुक्तलाई पुर्पक्षका लागी थुना राख्ने आदेश दिएको छ । एघारै जना अभियुक्तहरुलाई जिल्ला न्यायधिस भोलानाथ चौलागाईको एकल ईजलासले सो आदेश दिईएको हो  । चितवनको दारेचोक–९ फिस्लिङग सडक खण्डमा गएको जेठ २५ काठमाण्डौंबाट बागलुङग बेनी तर्फ जान आउँदै गरेको बा २ ख ३४०७ नम्बरको यात्रुबाहक माईक्रोबसबाट ३३ तोल सुन लुटेको ११ जनालाई प्रहरीले २५ गते पक्राउ गरि २७ गते सार्वजनिक गरेको थियो । थुनामा जानेहरुमा काठमाण्डौं महादेवस्थान गाविस–.२ का २४ बषीर्य सन्तोष लामा, धादिङ्ग बैरेनी गाविस–६ का ३१ बषीर्य मान बहादुर थिङ्ग, धादिङ्ग जोगीमारा गाविस–९ का २३ बषीर्य  सुदम काडेल, धादिङ्ग जोगीमारा गाविस–२ का ३२ बषीर्य  साङ्गे राई भन्ने सन्त बहादुर राई, धादिङ्ग नौविसे गाविस–१ का २२ बषीर्य उत्तम लामा थिङ्ग, धादिङ्ग नौविसे गाविस–८ का २५ बषीर्य  अरुण तामाङ्ग, धादिङ्ग गोगनपानी गाविस–७ का ३१ बषीर्य  राजु लामा, जिल्ला मकवानपुर टिस्टुङ्ग गाविस–४ का ३१ बषीर्य दिनेश लामा र  २८ बषीर्य वाङ्गथोक लामा, मकवानपुर फाखेल–६ का २८ बषीर्य गणेशमान लामा र  रोल्पा हारजुङ्ग गाविस–६ का ३० बषीर्य सर्वजीत थकाली रहेको छन् ।



राजेन्द्र आचार्य
चितवन १७ असार । अघिल्लो बर्षको तुलनामा यस आर्थिक वर्षमा चितवन राष्ट्रिय निकुञ्जले आफ्नो आम्दानीमा वृद्धि गरेको छ । चालु आर्थिक वर्षको ११ महिने समय अर्थात् जेठ मासन्तसम्म चितवन निकुञ्जले १८ करोड ७७ लाख ४२ हजार १४७ रुपैयाँ आम्दानी गरेको निकुञ्जले जनाएको छ । आर्थिक वर्ष समाप्त हुन एक महिना बाँकी रहँदा नै झण्डै १९ करोड रुपैयाँ आम्दानी गरेको निकुञ्जले आर्थिक वर्षको पूरा समयमा २० करोड रुपैयाँको हाराहारीमा राजश्व संकलन गर्ने सम्भावना बढेको हो । गत आथिर्क वर्षमा ९ करोडको हाराहारीमा राजश्व संकलन भएको थियो । निकुञ्जले विभिन्न १० शीर्षकमा राजश्व उठाउने गर्छ, तर पर्यटक शुल्क मुख्य आम्दानी हो । गत वर्षदेखि पर्यटक शुल्कमा अत्याधिक वृद्धि भएको लाभ राजश्व संकलनमा परेको छ । पर्यटक शुल्कमा तीन गुणासम्म वृद्धी भएको छ । निकुञ्ज घुम्ने पर्यटक गत वर्षभन्दा घटे पनि आम्दानी बढेको हो । चितवन राष्ट्रि निकुञ्जका सहायक संरक्षण अधिकृत टीकाराम पौडेलले दिएको जानकारीअनुसार गत आथिर्क वर्षको जेठसम्मका निकुञ्जमा एक लाख ६३ हजार १९८ जना पर्यटक घुम्न आएका थिए । यो वर्ष एक लाख ४७ हजार ४२९ मा सीमित भएका छन् । गत आथिर्क वर्षको जेठसम्मका कुल राजश्व आठ करोड ४७ लाख ५६ हजार ३२० रुपैयाँ संकलन भएको थियो । यो वर्ष झण्डै १६ हजार पर्यटक कम हुँदा पनि राजश्व संकलन गत वर्षको उही अवधीको भन्दा १० करोड २९ लाख ८५ हजार रुपैयाँ बढी भएको छ ।

लायन्सको संयुक्त रक्तदानमा ५५ जनाले गरे रक्तदान
राजेन्द्र आचार्य
भरतपुर, १७ असार ।  चितवनमा रगतको माग बढेसगै रगतको अभाव हुन नदिने उद्देश्यका साथ नाराणगढमा खुल्ला रक्तदान कार्यक्रम आयोजना गरिएको छ ।
सो अवसरमा २ महिला सहित ५५ जनाले रक्तदान गरेको गरेको लायन्स क्लब अफ चितवन सिटिका निर्वतमान अध्यक्ष धर्मराज सापकोटाले जानकारी दिए । लायन्स क्लब अफ गितानगरका संस्थापक अध्यक्ष कमल प्रसाद श्रेष्ठले रक्तादान गर कार्यक्रमको शुभारम्भ गरेका थिए ।लायन्स बर्ष २०१३/१०१४ को शुरुवातको अवसर पारेर लायन्स क्लब अफ ईन्टरनेशनल ३२५ वि टु अन्र्तगत रहेका लायन्स क्लब अफ चितवन युथ, चितवन सिटि, गितानगर र रिर्भर साईडले संयुक्त रुपमा सो रक्तदान कार्यक्रम आयोजना गरेका हुन् । लायन्स क्लब अफ ईन्टरनेशनल ३२५ वि टुका पूर्व डिस्टीक गर्भरनर लायन प्रभात कुमार जोशी प्रमुख अतिथि रहेको थिए । लायन्स क्लब अफ चितवन सिटिका अध्यक्ष माधव पौडेलको अध्यक्ष्ततामा सम्पन्न कार्यक्रममा लायन्स क्लब अफ ईन्टरनेशनल ३२५ वि टुका पूर्व डिस्टीक गर्भरनर लायन राजकुमार श्रेष्ठले वोलेका थिए ।